Një shtetas shqiptar ka humbur jetën tragjikisht në Itali. Aksidenti i rëndë ka ndodhur mbrëmjen e djeshme në Porcari të pronvincës së Lucas në Itali, ku një i moshuar shqiptar, 75-vjeç, u përplas për vdekje nga një automjet tip “Volkswagen Golf”.
Sipas mediave italiane mësohet se i moshuari po kthehej me biçikletë në shtëpi në momentin e aksidentit, pasi kishte parë një ndeshje futbolli.
Përplasja ka qenë e fortë dhe si pasojë 75-vjeçari gjeti vdekjen e menjëhershme si pasojë e plagëve të marra në kokë. Aksidenti ka ndodhur në rrugën “Puccini”, pranë një qendre bastesh ku shqiptari kishte kaluar mbrëmjen duke parë një ndeshje futbolli. Policia italiane po punon për zbardhjen e plotë të aksidentit.
