Kamza ka vijuar stërvitjet intensivisht dhe është përqendruar te ndeshja e radhës ku po përgatit grupin e titullarëve që do të luajnë në Gjirokastër. Sigurisht që në këtë takim kjo skuadër nuk do ta ketë të lehtë, pasi do të jetë e cunguar në formacion, ku tre prej titullarëve nuk do të jenë për arsye dëmtimi.
Plaku, Mehmeti dhe Mustafa janë mungesa të padiskutueshme, ndërsa Kuqi është ende me pikëpyetje. Kështu që Ndreu po përgatit lojtarët që do të zëvendësojnë këta të tre. Ndërkohë që sulmuesi Ermir Rezi premton se në këtë ndeshje do të japë gjithçka nga vetja.
“Ne do të shohim çfarë mund të bëjmë në këtë ndeshje. Do të jemi me këmbë në tokë dhe do të japin 100%. Është një gëzim i madh nëse do të arrijmë të marrim fitore në Gjirokastër. Shpresoj që unë të shënoj atje dhe goli im të ketë vlerë 3-pikëshe. Ne do të japim gjithçka. Ai është një kundërshtar shumë i vështirë”, tha Rezi në një prononcim për “Panorama Sport”.
Duke vijuar më tej, ai shprehet: “Premtoj se do të jap më të mirën kundër Luftëtarit, duke dashur të jem pjesë e fitores së parë të ekipit në këtë sezon. Jemi të gatshëm të japim gjithçka”, përfundoi Rezi. Ndërkaq, dje skuadra ka zhvilluar një test me një ndeshje mes grupit me dy pjesë nga 25 minuta, ku janë provuar lojtarët që mund të përbëjnë formacionin titullar
