“Po luanim me armën se kishte siguri”, dyshohet se ka pohuar 39-vjeçari nga Shqipëria, i cili ditën e sotme ka qëlluar në kokë dhe ka vrarë partneren e tij 29-vjeçare në zonën e Kaminisë, në Heraklion.
Sipas cretalive.gr, burime policore raportojnë se autori i vrasjes në Heraklion po kërkon të justifikojë krimin brutal. Përveç kësaj, siç theksojnë ata, armë nuk kishte asnjë siguri.
Sipas informacioneve, mes çiftit kishte pasur një sherr dhe se pasi qëlloi gruan, shqiptari njoftoi shërbimet e urgjencës, por tashmë ishte tepër vonë.
Çifti jetonte në një apartament në katin e 2-të, në rrugën Patroklou, në Kaminia.
Sipas informacioneve gruaja kishte një plagë plumbi në anën e kokës, pranë veshit.
Si u krye krimi?
Autori 39-vjeçar nga Shqipëria, i cili ka shqetësuar më parë autoritetet për drogën, dyshohet se ka qenë i dehur kur është kthyer në shtëpinë ku jetonte me partneren e tij 29-vjeçare rumune.
Më pas me armën që e posedonte në mënyrë të paligjshme e ka qëlluar për vdekje në kokë dhe ka telefonuar në EKAV.
39-vjeçari ka pranuar krimin duke thënë se ka qëlluar me pistoletë partneren e tij.
Arma e krimit u gjet në një tavolinë brenda shtëpisë dhe kishte tre gëzhoja, ndërsa sipas informacioneve në zonë u gjet edhe një gëzhojë.
