900 nxënës të shkollës 9-vjeçare “Koto Hoxhi” në Gjirokastër, kanë shpenzuar mbi 20 milionë lekë tek vendin ku do bënin uniformat.
Vendin e përzgjodhi drejtori i shkollës Vezir Mamo, duke shkelur udhëzimet e Ministrisë së Arsimit që ndalojnë procedura të tilla.
Në redaksinë e “Fiks Fare” erdhi një mesazh, nga një prind ku thuhej se 900 fëmijë të një shkolle 9- vjeçare në Gjirokastër janë detyruar të bëjnë uniformat në një biznes në këtë qytet. Çmimi i tyre është 23 dhe 25 mijë lekë të vjetra, që janë 2 bluza. Prindi tregon se prindërit e këtyre nxënësve nuk ishin dakord, por shkolla vendosi për uniformat. Madje në mesazhin e tij prindi aludon se kjo u bë për përfitime mes kryetarit të bordit të prindërve ,drejtorit dhe biznesit ku u bënë uniformat.
Kështu, bashkëpunëtorët e Fiksit shkojnë në dyqanin ku u qepën veshjet. Pronarja thotë se ka shkuar vetë drejtori i shkollë z.Mamo të interesohet për uniformën. Kurse për ndërmjetësin ajo thotë se mund të përfitojë 200 lekë për çdo veshje , por nuk pranon të ketë përfituar drejtori.
Por ndryshe shprehet fillimisht drejtori Mamo kur Fiksi e takon. Ai thotë se vendimi është marr nga bordi dhe se ai nuk ka kryer asnjë takim me biznesin që do bënte uniformat. Më vonë mohon atë çka kishte thënë duke treguar se eka takuar pronaren e biznesit me qëllimin për të ulur çmimin e uniformave.
“Nga 30 mijë lekë që i mbante unë ia ula deri në 23, pra 7 mijë lekë ( të vjetra)”, pohon drejtori. Pyetjes se kush e zgjodhi biznesin ai e përjashton veten duke thënë se e kanë gjetur bordi drejtues i prindërve. Por, në asnjë moment biznesi nuk pranoi se kishte bërë takim me prindërit. Pyetjes tjetër të Fiksit se kush i lajmëroi prindërit e 900 nxënësve se duhej të pajisnin fëmijët me uniformë, pasi atyre thjesht u ka shkuar në shtëpi një copë letër pa vulë e firmë. Drejtori shpjegon se letrën çdo nxënësi ua ka dhënë mësuesi kujdestar. Fiksi kërkoi edhe një ballafaqim me një drejtuese të bordit të prindërve e cila shprehet se për këtë çështje i kanë thirrur edhe në DRAP (Drejtoria e Arsimit Parauniversitar) Fier duke nxjerr se këta të fundit kanë gabuar me procedurat. Fiksi e pyet mbi procedurat që ndoqën dhe anëtarja e bordit shpjegon se nga tre biznese ku ishin interesuar zgjodhën ofertën më të lirë. Pra në një farë mënyrë ky bord ka bërë një tender.
Fiksi i drejtohet ZVA Gjirokastër , ku juristi pohon se nuk janë vënë në dijeni fare për këtë procedurë dhe ata e kanë deleguar në DRAP Fier.
Fiksi ju drejtuam kësaj të fundit me një e-mail, për një përgjigje mbi procedurat e ndjekura nga shkolla 9- vjeçare ” Koto Hoxhi”.
Ky institucion sqaron në përgjigje se shkolla ka shkelur procedurat, dhe nuk është bazuar në udhëzimin e Ministrisë së Arsimit i cili lejon që në arsimin 9- vjeçar, fëmijët mund të kontribuojnë për institucionin nga 100 deri në 1 mijë lekë, shumë e cila depozitohet në bankë dhe administrohet nga bordi.
Por mënyra sesi ishin mbledhur këto lekë dhe shumë ne shkollën 9 vjeçare në Gjirokastër thyenin çdo hallkë të udhëzimit, ndaj për këtë arsye Drejtoria Rajonale e Arsimit Parauniversitar Fier mori masëe “paralajmërim për heqje nga puna për drejtorin e shkollës”./Top Channel
