Një ditë pas zjarrit në dy banesa të familjes Gjoksi në Gjirokastër ata apelojnë për ndihmë nga shteti. Duke folur për RTSH, një prej familjarëve tregon se si ndodhi ngjarja e rëndë pasditen e së dielës.
Ai thotë se 10 pjesëtarë të familjes ndodheshin brenda në momentin e zjarrit. Fatmirësisht ata dolën në kohë nga banesa. Dyshimet janë se zjarri mund të jetë shkaktuar nga ndonjë shkëndijë elektrike.
Sidoqoftë ngjarja është nën hetim. Familja Gjoksi apelon për ndihmë nga shteti e kushdo tjetër që mundet pasi ndodhen në qiell të hapur. Në videon më poshtë rrëfimi i plotë i Çlirim Gjoksit. ©Argjiroja.net
