Një 34-vjeçar shqiptar, i kërkuar nga Interpol Tirana, është arrestuar në Itali. Shqiptari është gjetur në një banesë në Trastevere dhe mësohet se është i dënuar me 4 vite burg në vendin tonë.
Së fundmi kishte mbërritur në Itali nga Shqipëria dosja për dënimin me 4 vjet burg për veprën e falsifikimit të dokumenteve. Pas kësaj, Gjykata e Apelit Leçe ka dhënë masën e sigurimit në burg, duke deleguar për ekzekutim agjentët e Policisë së Shtetit.
34-vjeçari u gjet nga hetuesit e rrethit XI San Paolo në shtëpinë e një të njohuri, në një apartament në Trastevere. Pas akteve formale, ai u dërgua në burgun Regina Coeli në dispozicion të organeve të drejtësisë.
