Një ngjarje e rëndë ka ndodhur në Varona të Greqisë. Dy prindër kanë hedhur në koshin e mbeturinave foshnjën e tyre të sapolindur për arsye ende të paqarta.
Ditën e sotme, mediat greke kanë publikuar videon nga momenti kur babai hedh foshnjën në plehra. Pamjet tregojnë burrin duke mbajtur dy qese në dorën e majtë, njëra prej të cilave kishte foshnjën e vdekur, dhe më pas i hedh në një kosh plehrash.
Babai i foshnjes ka rrëfyer në polici se e ka hedhur foshnjën në plehra, por ka thënë se nuk e ka vrarë sepse sipas tij foshnja ka lindur para kohe dhe ka vdekur. Pavarësisht kësaj policia ka ngritur ndaj tij kallëzim për vrasje nga pakujdesia. Sipas informacioneve, gruaja ishte 5 muajshe shtatzënë dhe foshnja ka lindur gjallë. Ajo ka shkuar në spitalin “Alexandra” mbrëmjen e së enjtes me gjakderdhje dhe mjekët i kanë thënë se ishte shtatzënë pa mundur të përcaktojnë nëse ka pasur një abort apo një lindje normale.
Spitali njoftoi policinë dhe oficerët kanë shkuar në dhomën e hotelit ku ndodhej çifti për të kryer hetime. Sipas mediave greke, në dhomë ka pasur gjak, si në tualetin, në çarçafë dhe në vende të tjera. Të hënën pritet të bëhet autopsia dhe nga rezultati përfundimtar do të përcaktohet rasti.
