Në Greqi janë të gjithë të habitur me vendimin e trajnerit të PAOK-ut për të lënë jashtë skuadrës Ergys Kaçen për të dytën ndeshje radhazi.
Trajneri Razvan Luçesku ka lënë shqiptarin jashtë grupit të 18 lojtarëve për takimin që do të zhvillojnë sot. Në mediat greke, një vendim i tillë është i pashpjegueshëm, duke qenë se gjatë javës lojtari është stërvitur dhe nuk ka dhënë asnjë arsye përse të ndodhë diçka e tillë.
Diçka e tillë ndodhi edhe në përballjen e javës së shkuar, por në atë ndeshje trajneriLuçesku e arsyetoi diçka të tillë me faktin që mesfushori kishte marrë shumë minuta kundër Spanjës dhe Italisë.
