Shqipëria e futbollit është rikthyer sot në stërvitje. Trajneri Sylvinho e ndau grupin e kuqezinjve në dy pjesë. Lojtarët që u aktivizuan si titullarë në duelin e së shtunës përballë Italisë, kanë punuar në palestër. Gjithashtu edhe masazhe për ata që zbritën në fushë në stadiumin “Signal Iduna Park”.
Në prag të ndeshjes me Kroacinë që luhet të mërkurën në orën 15:00 kanë nisur edhe telashet e para për Sylvinhon. Sulmuesi kuqezi, Jasir Asani u dëmtua në ndeshjen ndaj Italisë, duke shqetësuar jo pak trajnerin Sylvinho. Asani ka shfaqur probleme në këmbën e majtë dhe për konfirmime të tjera, do na duhet të presim.