Në burgun e Rrogozhinës aty ku po vuan dënimin për blerje votash, Fredi Beleri ka marrë më shumë urime publike nga Greqia për zgjedhjen e tij si eurodeputet sesa nga Shqipëria.
Por mes urimeve nga vendi ynë shquan ai që i ka bërë kryebashkiaku i Finiqit, Romeo Çakuli, i zgjedhur një vit më parë me mbështetjen e Partisë Socialiste. Në faqen e tij në Facebook, Çakuli shkruan:
“Koleg, suksese në detyrën tuaj të re. Tani ke më shumë peshë në karrierën tënde politike. Minoriteti dhe sytë e tu…”, përfundon mesazhi i Çakulit, shoqëruar me një foto të Fredi Belerit.
Kryebashkiaku i Finiqit është ndoshta përfaqësuesi i vetëm i mazhorancës që uron Fredi Belerin në një kohë kur për shkak të tij ka një krisje të raporteve Tiranë-Athinë. ©Argjiroja.net
