Policia e Sarandës ma vënë në pranga 45 vjecarin G. Xh., banues në Ksamil, të dyshuar si autor i një vjedhje. 45-vjeçari dyshohet se rreth orës 17.20 të 27 qershorit, ka vjedhur 75.000 lekë të reja në supermarket “Oqean” në lagjen nr.1 të Sarandës.
Nga sa rezulton, ai ndodhej në masën e sigurisë “Arrest në shtëpi” të cilën e ka thyer dhe për këtë do t’i rëndojë edhe një akuzë tjetër.
45-vjeçari rezulton me disa precedentë penalë për vjedhje, ndërsa herën e fundit ishte arrestuar në nëntor 2023 për tentativë vjedhje në Sarandë.
