Zhaneta dhe Ajeti prej vitesh mbledhin rigon, sherbelë, çaj në mal dhe i shesin në dyqanin që e kanë hapur në zemër të fshatit Kuç.
Çdo vit Ajeti shkon në majën më të lartë të Kuçit për të mbledhur rigon. Atje është i pastër thotë Ajeti, elektricist në pension, por që tani mbledh erëza në malet e Kuçit.
“Unë- thotë ai- nuk do largohem kurrë nga Kuçi, sepse kam të ardhura të mira, pensionin, lokalin, bletët”.
Ndaj Ajeti me modesti përcjell një mesazh për gazetaren Rudina Xhunga:
“Këta në Kuç po ikin jashtë për të punuar. Unë punoj këtu sepse nuk kam nevojë të iki. Vetë kam pension shumë të mirë, gruaja ka pension, lokalin e kam, bletët i kam.
Unë i them atyre nga qyteti dhe atyre që kanë vajtur jashtë: “Të me keni zili sa të jeni gjallë.” Unë punoj sepse sa të kem frymë do punoj”, thotë Ajeti ndërsa sit rigonin që ka mbledhur në majën më të lartë të Kuçit.
