Një ngjarje e rëndë ka tronditur SHBA, kur një 65-vjeçare ekzekutoi ish-nusen e djalit dhe mbesën e saj të vogël, e më pas i dha fund jetës.
Mediat e huaja shkruajnë sot se arsyeja e vrasjes makabre ishte për faktin se autorja kërkonte që kujdestarinë e vajzës ta merrte i biri pas ndarjes.
Pas ngjarjes, babai i fëmijës mori nën kujdes vajzën tjetër të mitur, dhe nën pretendimin se po e mbron, nuk lejon që ajo të takojë gjyshërit nga ana e nënës.
Prindërit e 46-vjeçares, thonë se e gjithë kjo ka qenë e bazuar në një plan të sëmurë, dhe se djali i autores kërkon t’i shkëpusë plotësisht nga mbesa tjetër katër vjeçare pas ngjarjes.
Tashmë çështja ka shkuar në gjykatë, ku gjyshërit e së voglës kërkojnë që të vendoset drejtësi për vajzën e tyre dhe mbesën e vrarë, si dhe për të pasur mundësi që të takohen dhe ta marrin herë pas here në banesë vogëlushen.
