Inspektori i Përgjithshëm i Shërbimit Informativ të Shtetit, Blend Çobani është liruar ditën e sotme nga detyra. Vendimi është marrë ditën e sotme në mbledhjen e Këshillit të Ministrave.
Me propozim të Kryeministrit Edi Rama, në vend të tij si Inspektori i Përgjithshëm i SHISH është vendosurtë emërohet Rafail Milo.
Juristi Blend Çobani e mbajti këtë detyrë vetëm 8 muaj pasi u emërua në Janar të këtij viti. Ndërs për më shumë se 10 vite postin e kreut të SHISH e ka mbajtur Suela Bedeni .
Njoftimi i VKM-së:
LIRIMIN DHE EMËRIMIN NË DETYRË TË INSPEKTORIT TË PËRGJITHSHËM TË SHËRBIMIT INFORMATIV TË SHTETIT
Në mbështetje të nenit 100 të Kushtetutës dhe të nenit 12, të ligjit nr.8391, datë 28.10.1998, “Për Shërbimin Informativ të Shtetit”, të ndryshuar, me propozimin e Kryeministrit, Këshilli i Ministrave
V E N D O S I:
Z. Blend Çobani, inspektor i Përgjithshëm i Shërbimit Informativ të Shtetit, lirohet nga kjo detyrë.
Z. Rafail Milo emërohet inspektor i Përgjithshëm i Shërbimit Informativ të Shtetit.
Ky vendim hyn në fuqi menjëherë.
