Deputetja Monika Kryemadhi deklaroi disa ditë më parë se kryeministri Edi Rama është “peshku i madh” që gjendet në telefonin e saj.
Për deklaratën e Kryemadhit është pyetur kryeministri Edi Rama në emisionin “Opinion”.
Kreu i qeverisë deklaroi deputetja e PL-së është në hall me drejtësinë dhe nuk do të debatojë me të.
“Po te unë për çfarë. Për cilat çështje? Unë jam ‘peshku më i madh’ nga të gjithë se jam dy metra. Po problem nuk është sa metra është ‘peshku’, por cilido ka futur duart në pasuritë e përbashkëta dhe ka përfituar në mënyrë të paligjshme. Dhe unë nga këto nuk kam. Jam informuar që i vogël se kur shkon në anën tjetër, je lakuriq përballë atij që të del atje. Nuk të duhet as cashi, as pasuria. Ndërkohë që mbrapa lë emrin. Unë luftoj për emrin. Këta sharlatanë që flasin për luksin tim, sarajet e mia… Unë s’kam vetëm shpjegime, unë kam fakte dhe kam letra.
Zonja është në hallin e vet dhe unë me njerëz që janë në halle të mëdha unë nuk debatoj”, theksoi Rama.
