Ministri grek i Mbrojtjes, Nikos Dendias, deklaroi gjatë një fjalimi në konferencënn: “Era post-juntë, 1974-2024: 50 vjet të politikës së jashtme greke” se Turqia po zgjeron pretendimet e veta ndaj Greqisë.
“Gradualisht Turqia po zgjeron listën e saj të kërkesave ndaj atdheut tonë. Ndonëse dialogu me Turqinë është i domosdoshëm, duhet të refuzohet përherë aspekti i papranueshëm i pozicioneve turke, siç është kërcënimin me casus belli”, tha ai.
Dendias e ka cilësuar përpjekjen e Ankarasë me qeverinë egjiptiane të Mohammad Morsit si një politikë për izolim të Greqisë në det, politikë që vijoi edhe me memorandumin detar me Libinë.
Ai ka cilësuar se marrëveshja e Greqisë me Egjiptin e Sisit ishte një kompromis shumë përfitues për të dyja palët dhe që minoi pretendimet e Turqisë për mungesën e seriozitetit nga ana jonë.
Greqia dhe Turqia mbeten të mbërthyera në mosmarrëveshjen për kufinjtë detarë dhe platformën nëndetare në Egje.
