Mit’hat Havari i ftuar në emisionin “Intervista e ditës” në DritareTV foli për punën e SPAK-ut dhe Altin Dumanin. Havari tha se populli, ndërkombëtarët, kanë shpresë të puna e SPAK-ut, BKH-së dhe Dumanit, që po godasin krimin e organizuar dhe korrupsionin.
“Berisha ka problem vetëm prapanicën e vet dhe të askujt tjetër. Nuk i dhimbset fare Altin Dumanit që është duke bërë detyrën. Struktura Antikorrupsion nuk ka problem me popullin, por me krimin e organizuar, që e godasin dhe me korrupsionin politik, që prekte politikanët dhe fëmijët e tyre. Këtë turp që ka bërë Berisha bie mbi të. Unë Altin Dumanin e njoh, kam shumë respekt. Nëse Shqipëria ka një rreze shprese, ky popull që fle gjumë, që duhet të zgjohet, e ka nga Reforma në Drejtësi, SPAK-u, kryeprokurori i SPAK-ut, Altin Dumani me bashkëpunëtorët e tij. Ata kanë çmontuar bandat kriminale, sigurisht edhe me mbështetjen e partnerëve. Por partnerët kanë besim tek ata. Puna që bën zoti Dumani ka qenë shumë frytdhënëse se dhe ka ngjallur shpresa te populli, edhe te ndërkombëtarët që kanë investuar kaq shumë. Dumani, SPAK-u, BKH-ja kanë goditur pandëshkueshmërinë, bajlozët e politikës, dy më kryesoret, Berishën dhe Metën. Pas tyre ka edhe të tjerë. Të dy kanë shkelur të drejtat njerëzore.”, tha zoti Havari në DritareTV.
