Pas ndryshimit të drejtorit të Kadastrës, një tjetër lëvizje është bërë në Gjirokastër. Ersi Sulejmani është larguar nga drejtimi i Operatorit të Shpërndarjes së Energjisë Elektrike.
Në vend të tij mësohet se është komanduar Altin Zilfo, me profesion inxhinier e që punon prej një kohe të gjatë në këtë institucion. Sulejmani u emërua në shtator 2022 si drejtor i OSHEE Gjirokastër.
Ndërkohë së fundi ai është emëruar nga Mirela Kumbaro në krye të Agjencisë Kombëtare të Ekonomisë së Mbetjeve, një institucion i ri i krijuar në mars 2024. ©Argjiroja.net
