Kryetari i bashkisë Libohovë, Leonard Hide, është paraqitur mëngjesin e kësaj të hëne në SPAK.
Hide po hetohet nga Prokuroria e Posaçme për shpërdorim detyre pasi, në vitin 2021 kur ai mbante detyrën e Shefit të Krimeve në Komisariatin e Gjirokastrës, dyshohet se ai nuk ka ndjekur me hetime rastet e kultivimit të kanabisit në zonat panjë dhe zhulat.
Hide mori mandatin e kryetarit të bashkisë së Libohovës në zgjedhjet e 14 majit 2023 nën siglën e Partisë Socialiste.
Lidhur me akuzat, në reagimet e tij publike ai është shprehur se kur shërbente në Policinë e Shtetit ka zbatuar vetëm ligjin.
