Mirela Kumbaro duke vijuar turin e takimeve në lagje të Gjirokastrës, është ndalur në Cfakë ku ka njoftuar edhe miratimin e projektit për rehabilitimin e zonave që kanë probleme nga rrëshqitjet në Cfakë.
“Konfirmoj përballë jush mbështetjen time të plotë për projektet e Bashkisë dhe te Qeverisë për Cfakën, e cila duhet të kthehet si Qafa e Pazarit. E kemi treguar si i kemi bërë. Asnjëherë nuk themi një gjë që nuk e bëjmë. Kemi një vit që punojmë për projektin e konsolidimit të zonës së Cfakës që ka problemin e rrëshqitjeve, që janë kusuret në fakt, se si jemi sjellë me natyrën ndër dekada. Ne do të ndërhyjmë, kemi një vit që punojmë për atë projekt dhe unë jam shumë e lumtur që dy javë më parë morëm konfirmimin zyrtar për financimin që Qeveria Shqiptare I ka akorduar Bashkisë së Gjirokastrës, e cila ka vënë një pjesë të rëndësishme nga fondi i Bashkisë për Cfakën, 1,2 milionë euro”, tha Kumbaro.
E shoqëruar nga kandidati Piro Dhima, drejtuesja politike e Partisë Socialiste u shpreh se objektivi në këto zgjedhje nuk është vetëm fitorja, por anëtarësimi në Bashkimin Europian.
“Objektivi ynë nuk është thjesht të fitojmë zgjedhjet e 11 majit. Objektivi ynë i madh është se vetëm me Partinë Socialiste, Komisioni Europian dhe Bashkimi Europian anëtarësojnë Shqipërinë në BE brenda këtij mandate”, u shpreh Mirela Kumbaro gjatë takimit me banorë të Cfakës.
