Si për të konfirmuar edhe njëherë humbjen e madhe të mbështetësve ndër vite dhe zhytjen në një krizë të thellë, PD në Gjirokastër kishte zgjedhur që takimin përmbyllës të fushatës ta bënte në fshatin Lazarat. Bastioni i vetëm që i ka mbetur në qarkun Gjirokastër. Megjithatë Dasho Aliko sheh shpresë dhe është i motivuar.
“Sinjalet që po vijnë matanë oqeanit janë në favor të Lazaratit, janë në favor të fitores së Partisë Demokratike. Lazarati dhe Partia Demokratike janë të lidhur si mishi me thoin”, tha Dasho Aliko.
Më tej ai kërkoi që të mos votohet Partia Socialiste. “Kandidatët tanë janë njëri më i mirë se tjetri”, tha Aliko.
“Ne e dimë c’është Partia Socialiste dhe kriminelët për Lazaratin. Ndërhyrja e tyre në vitin 2014 ishte një ndërhyrje më e keqe se ajo e serbit në Kosovë. Asnjë lazaratas nuk duhet ta votojë Partinë Socialiste. Ajo është gen i Partisë së Punës”, tha Aliko. ©Argjiroja.net
