Një 65-vjeçar është gjendur i pajetë në anë të kanalit kullues në aksin rrugor të Divjakës pranë fshatit Goriçaj.
65-vjeçari është identifikuar si Mina Gjini, banues në Këmishtaj, i cili mblidhte kanaçe.
Trupi i pajetë i Gjinit është gjetur nga kalimtarët e rastit ndërsa ka qenë familjarët e tij të cilët mbrëmjen e djeshme kanë denoncuar në polici largimin e tij nga shtëpia.
Sakaq autoritetet po punojnë për dokumentimin e plotë të ngjarjes si dhe zbardhjen e rrethanave që kanë shkaktuar vdekjen e 65-vjeçarit Mina Gjini.
“Divjakë/Informacion paraprak
Sot rreth orës 18:00, në fshatin Goricaj, në një kanal vaditës, është gjetur i mbytur shtetasi M. Gj., 65 vjeç, banues në Goricaj, i cili ka humbur kontaktet me familjarët ditën e djeshme.
Nga këqyrja paraprake nuk janë konstatuar shenja dhune.
Grupi hetimor po punon për zbardhjen e plotë të rrethanave të rastit.”
