Etapa e tretë dhe të fundit e garës ndërkombëtare “Giro d’Italia 2025”, do të zhvillohet në Vlorë, më datë 11 maj 2025.
Në kuadër të zhvillimit të etapës së dytë të garës ndërkombëtare “Giro d’Italia 2025”, policia ka ndërmarrë masat. Sipas asaj që bën me dije policia, do të ketë ndryshime në qarkullimin dhe parkimin e automjeteve, sipas planit të mëposhtëm.
Njoftimi:
Masat për qarkullimin dhe ndalimin e parkimit të automjeteve, në kuadër të etapës së III-të të “Giro d’Italia 2025”. Në kuadër të organizimit të etapës së tretë dhe të fundit të garës ndërkombëtare “Giro d’Italia 2025”, që do të zhvillohet në qytetin e Vlorës, më datë 11.05.2025, informojmë qytetarët mbi kufizimet e mëposhtme:
Parkimi ndalohet nga ky moment deri në përfundim të garës, në këto akse rrugore:
* Sheshi i Madh (fillimi i Lungomares)
* Aksi Sheshi i Madh – Rruga “Shaban Demiraj”
* Fusha para Shkollës së Marinës
* Rruga “Reshat Osmani”
* Rruga “Veledin Kollozi”
* Aksi “Rrethi i Skelës – Rruga Aleksandria”
* Rruga “Hajredin Haxhiraj”
* Rruga “Mustafa Bello” dhe “Laze Malo”
* Rruga “Aleksandër Moisiu” – Bulevardi “Ismail Qemali” – Rruga “Demokracia” – Rruga “Arben Zylyftari”
* Rruga “Kosova” – Hotel Regina Garden dhe Sheshi “Ismail Qemali”
* Rruga “Sulejman Delvina” (segmenti Poliklinika – Dega Ushtarake) dhe zona e konvikteve të Fakultetit
Bllokimi i akseve interurbane – datë 11.05.2025:
• Vlorë – fshatrat e lumit të Vlorës
Ndalohet qarkullimi nga ora 11:00 deri në orën 14:30
• Qeparo – Vlorë / fshatrat e lumit të Vlorës
Ndalohet qarkullimi nga ora 10:30 deri në orën 15:45
• Vlorë – Himarë (deri në Qeparo)
Ndalohet qarkullimi nga ora 12:30 deri në orën 17:30
• Qeparo – Himarë – Vlorë
Ndalohet qarkullimi nga ora 13:30 deri në orën 16:00
Kujdes!
Të gjitha mjetet që nuk do të largohen nga drejtuesit, do të zhvendosen nga shërbimi i karotrecit për të liruar rrugët dhe për të garantuar sigurinë e pjesëmarrësve dhe qytetarëve.
Vendbazimi i mjeteve të lëvizura: Ish-fusha e aviacionit.
Lutemi për mirëkuptimin dhe bashkëpunimin tuaj.
Këto masa janë të përkohshme dhe në funksion të sigurisë publike dhe mbarëvajtjes së aktivitetit sportiv ndërkombëtar që zhvillohet në qytetin tonë.
