Fatos Lubonja komentoi në News 24 Samitin e Komunitetit Politik Evropian të zhvilluar sot në Tiranë me pjesëmarrës pothuaj të gjithë liderët e kontinentit evropian.
Lubonja u shpreh disi skeptik për zhvillimin e këtij Samiti në Tiranë pak ditë pas zgjedhjeve të 11 majit.
“Burri botës ka 4 mandate dhe sa më shumë zullume aq më shumë fiton. Kjo skenografia i shërben legjitimimit të Edi Ramës. Në 2021 fill pas zgjedhjeve kishte ca manovra të NATO në Shqipërisë që të imponon vazhdimësinë e projektit të këtij.
Dhe doli ambasadorja amerikane, pa dalë ODIHR përgëzoi fitoren. Si këto, që uruan fitoren. Ndërkohë që këtu krimi i organizuar po ngre kulla hapur. Këtu është narko-regjim dhe këta bëjnë sikur nuk shikojnë.”
Sipas Lubonjës, vendet e mëdha europiane e përdorin emrin e Shqipërisë si në rastin e marrëveshjes për emigrantët me Italinë, ku lokacioni i Shqipërisë shërben edhe si dekurajim për të ardhur këtu.
“Këta e përdorin Shqipërinë si kazan plehërash. Duhet të çlirohemi nga kompleksi i ndërkombëtarëve, na erdhën ndërkombëtarët. Na përdorin si deterrencë. Na përdorin si komb. Turp i madh.”
Skenografinë me liderët europianë, Lubonja e sheh edhe si një mashtrim të politikës, për të legjitimuar sipas tij narko-shtetin.
“Historikisht ne, ky është organizim i Edi Ramës. Duhet të kërkojmë edhe llogari sa ka kushtuar. Ai është ofruar ta bëjë për qëllime e veta. Fitojmë ne apo Rama? Nëse është fjala të miklojmë krenarinë kombëtare, që është problem i shqiptarëve. Por kjo është pikërisht mashtrimi që na bën politika.
Në vend të mburrjes kombëtare duhet të ndryshojmë realitetin, jo duke u dukur. Nuk mendoj fare se jemi bërë realitet europian, jemi një narko shtet. Për sigurinë, ky është një problem, bëhet fjalë për sigurinë europiane. Ka shumë analiza për luftën në Ukrainë.
Bëj pjesë ndër ata, të cilët e konsiderojnë të dështuar këtë grupimin e këtyre europian me Von der Leyen dhe Macron që po na fusin në pasiguri, në luftë botërore. Këta thonë të armatoset Europa. Pse? Se kemi gjasme Rusinë atje. Në vend që të bëjnë politika paqe dhe marrëdhëniesh të mira, këta për siguri, po na përgatisin luftë, jo siguri.
Shqipëria është një pjesë e vogël e kësaj perandorie. Këta duan ta zgjerojnë Shqipërinë pikërisht për ta përdorur si Ukraina, ndërkohë që këtej matanë ke SHBA që po tërhiqen. Këto takimet e tyre janë më shumë shou, se kanë dështuar. Ky Macron i ka apo nuk i ka as 7% në Francë. Është copë-copë. Ky do na bëhet udhëheqësi i Europës. Çështja sigurisë është vënë në rrezik nga këta.”
Lubonja thekson se duhet parë realiteti ku jemi dhe jo lavdinë virtuale që servir Rama me samite.
“Edhe në kohën e Enver Hoxhës ishim të njohur ne. Se i rezistonte Bashkimit Sovjetik. Po ishim diktaturë këtu. Do shohim rrënimin ku jemi, apo do shohim lavdinë virtuale që na bën ky këtu.”
