Altin Dumani dhe disa prokurorë të Strukturës së Posaçme Kundër Korrupsionit dhe Krimit të Organizuar (SPAK) kanë zgjedhur Gjirokastrën për dy ditë për një “retreat”. Bashkë me ta kanë qenë dhe një pjesë e stafit administrativ të SPAK.
Së bashku ata darkuan dje në një nga restorantet e zonës së Pazarit ndërsa sot ishte parashikuar një takim pune në formën e trajnimit në ambientet e një prej hoteleve të qytetit. Nuk dihet më tepër informacion rreth tematikës së këtij trajnimi.
SPAK vijon të jetë në qendër të vëmendjes për shkak të goditjeve të korrupsionit në nivele të larta të politikës dhe krimit të organizuar, por edhe të kritikave nga opozita dhe një pjesë e opinionit publik për dosje të caktuara.
Kohët e fundit fokusi ka qenë te krimet zgjedhore, për të cilat opozita pretendon se SPAK nuk ka vepruar për të parandaluar shit-blerjen e votave dhe influencën e grupeve kriminale në procesin zgjedhor. ©Argjiroja.net
