Mitropolia e Shenjtë e Korçës ka dhënë lajmin e hidhur për ndarjen nga jeta të Atë Kristaq Visos.
Atë Kristaq Viso më 19 maj ra aksidentalisht nga çatia e kishës ku shërbente ku mori dëmtime në kokë dhe në trup.
Atë Kristaq Viso nuk ka mundur t’u mbijetojë plagëve të marra dhe ka ndërruar jetë.
“Sot fjeti më Zotin Ikonom Stavrofor Atë Kristaq Viso!
Mitropolia e Shenjtë e Korçës i shpreh ngushëllime të përzemërta bashkëshortes, vajzave dhe të gjithë familjarëve dhe të afërmve! I lutemi Perëndisë, të cilit i shërbeu, që ta ndjejë dhe ta prehë shpirin e tij me shenjtorët në gjirin e Avramit në Mbretërinë e Qiejve!
Qoftë e lumur udha në të cilën shkon ti sot, se të është përgatitur vendi i prehjes lart në qiell, paraisë të mbarë o vëllai ynë i lumur dhe i gjithmonë kujtuar!”, thuhet në reagimin e Mitropolisë së Korçës.
