Një aksident ka ndodhur mëngjesin e sotëm në Memaliaj, me pasojë një shtetas të plagosur, i cili fatmirësisht ndodhet jashtë rrezikut për jetën. Policia ka dhënë detaje për ngjarjen.
Memaliaj/Informacion paraprak
Rreth orës 08:15, në aksin rrugor “Krahës-Memaliaj”, në afërsi të fshatit Qesarat, automjeti kamion me drejtues shtetasin E. Ç., 38 vjeç, banues në Gjirokastër, është përplasur me motomjetin me drejtues shtetasin T. Z., 65 vjeç, banues në fshatin Qesarat.
Si pasojë është dëmtuar 65-vjeçari, i cili ndodhet në Spitalin Rajonal Gjirokastër, jashtë rrezikut për jetën. Drejtuesi i kamionit u shoqërua në komisariat, për veprime të mëtejshme. Grupi hetimor po kryen veprimet për zbardhjen e rrethanave të aksidentit.
