Trajneri serb Mlladen Milinkoviç mund t’i japë lamtumirën Kukësit, pas humbjes me Partizanin që i sheh tashmë kampionët tetë pikë larg kryesuesve të kampionatit.
“Fatkeqësisht themi vazhdimisht javë për javë se mund t’i afrohemi Skënderbeut, por në vend që të afrohemi, po largohemi më shumë”, – tha Milinkoviç për “Supersport”.
Ish-trajneri i Luftëtarit u ofrua nga presidenti Safet Gjici me misionin për të fituar të tre trofetë e mundshëm në futbollin shqiptar, por ai e nisi me humbjen në Superkupën e Shqipërisë përballë Tiranës dhe tashmë mbrojtja e titullit po bëhet gjithmonë e më e vështirë.
“Nesër do të ulemi të bisedojmë me presidentin, do të diskutojmë. Ndjehem keq, se përgjegjës për këto rezultate të dobëta jam unë. Me siguri do të marrim një vendim për të mirën e Kukësit, jo për veten, në radhë të parë është e mira e Kukësit”, – tha Milinkoviç, trajneri i dytë serb pas Miodrag Radanoviçit.
