Momente tensioni në dasmën luksoze të Jeff Bezos, çfarë ndodhi me Kris Jenner dhe partnerit të saj?

Dasma madhështore e miliarderit Jeff Bezos dhe Lauren Sánchez nuk u shpëtoi dramave të botës së famshme. Gjatë ceremonisë luksoze, e cila mblodhi personalitete nga e gjithë bota, vëmendjen nuk e tërhoqi vetëm eleganca e të ftuarve dhe ambienti ekstravagant, por edhe një moment tensioni mes Kris Jenner dhe partnerit të saj, Corey Gamble.
Sipas burimeve dhe raportimeve të mediave rozë amerikane, çifti u pa duke shkëmbyer fjalë me tone të ngritura, ndërsa ndodheshin në një nga ambientet private të resortit ku po zhvillohej dasma. Edhe pse nuk është bërë e ditur arsyeja e saktë e përplasjes, dëshmitarët e vëmendshëm thanë se Kris dukej e irrituar, ndërsa Corey përpiqej të qetësonte situatën.
Ky episod i pakëndshëm vjen në një kohë kur spekulimet për marrëdhënien e tyre kanë qenë të shumta. Edhe pse janë bashkë për më shumë se një dekadë, Kris dhe Corey janë shpesh në qendër të zërave për kriza në çift, të cilat ata i kanë mohuar në publik.
Dasma e Jeff Bezos u zhvillua në një vend përrallor në Venecia, me një listë të ftuarish të përzgjedhur me kujdes, përfshirë figura të njohura nga bota e biznesit, modës dhe showbiz-it. Megjithatë, edhe në evente të tilla me protokoll të rreptë, duket se emocionet personale nuk mund të kontrollohen gjithmonë.
As Kris Jenner dhe as Corey Gamble nuk kanë reaguar publikisht mbi situatën, por kamerat i kanë kapur më vonë sërish së bashku, duke buzëqeshur përpara objektivave.