“Nuk përjashtohet përpjekja për nisjen e ndonjë revolucioni”, Rusia ka besim se Vuçiç do t’i shtypë protestat

Kremlini tha të hënën se nuk kishte asnjë dyshim që udhëheqja në Serbi, një aleate e ngushtë e Rusisë, do të mund të rivendoste shpejt qetësinë, pavarësisht asaj që e përshkroi si presion të paprecedentë pas protestave të mëdha kundër qeverisë.
“Pavarësisht presionit të paprecedentë që po ushtrohet pa dyshim mbi Serbinë, madje nuk mund të përjashtojmë as përdorimin e teknologjive të njohura për nisjen e një revolucioni me ngjyra, ne nuk kemi asnjë dyshim se udhëheqja aktuale serbe do të jetë në gjendje të rivendosë rendin dhe qetësinë në republikë në të ardhmen e afërt”, tha zëdhënësi i Kremlinit, Dimitry Peskov.
Policia serbe të shtunën u përplas me protestuesit kundër qeverisë që kërkonin zgjedhje të parakohshme dhe fundin e sundimit 12-vjeçar të Presidentit Aleksandar Vuçiç.