Zbulohet pse Izraeli transferoi fshehurazi avionë civilë në Greqi dhe Qipro, para sulmit ndaj Iranit

Izraeli transferoi fshehurazi flotën e tij të avionëve nga aeroporti i tij kryesor Ben-Gurion në aeroportet në Qipro, Greqi dhe SHBA përpara përgatitjeve të tij për “Operacionin Lion në Ngritje”, sulmin e Izraelit kundër Iranit, raportoi të hënën Jerusalem Post, duke cituar një gazetë tjetër izraelite.
Ministria e mbrojtjes udhëzoi El Al, Arkia, Israir dhe Air Haifa të zhvendosnin të gjithë avionët e tyre, ndërsa agjencia izraelite e sigurisë Shin Bet rriti sigurinë në këto vende, tha raporti.
Dhjetëra avionë, asistentë fluturimi dhe ekuipazhe aeroplanësh u transferuan fshehurazi në Greqi dhe Qipro me qëllim shpëtimin e mijëra izraelitëve të bllokuar sapo të rihapet hapësira ajrore.
Sipas të njëjtit raport, largimi i avionëve dhe ekuipazheve nuk kishte për qëllim vetëm të ndihmonte në shpëtimin e izraelitëve të bllokuar jashtë vendit, por edhe si një masë mbrojtëse në përgatitje për një hakmarrje iraniane, pasi Izraeli besonte se Irani do të godiste avionët izraelitë me raketa.
Greqia dhe Qiproja thuhet se nuk ishin në dijeni të arsyes së fluksit të madh të aeroplanëve që vinin nga Izraeli, por prapë i lejuan ata të uleshin, sipas të përditshmes izraelite Israel Hayom./ Ekathimerini