Luftëtari barazoi me Laçin në shtëpi dhe situata në Gjirokastër nuk është aspak e mirë. Gjithsesi bluzinjtë shpresojnë se do të reagojnë në vijim. Pas ndeshjes me kurbinasit, është ish-sulmuesi dhe ish-shefi i klubit, Arlind Nora, i cili kritikon gjirokastritët dhe trajnerin Hasan Lika. Këtë të fundit për idetë e tij për futbollin dhe drejtuesit për zgjedhjen e bërë.
“#Mendimi im! Të heqësh dy lojtarët e sulmit dhe të futesh dy lojtar për të mbrojtur rezultatin me mënyrën KATENACO, këtë mund ta bëjë dikush me ide të vjetra, që i ka ngel ora te literatura e Italisë 1980. Futbolli ndryshon me orë, jo më me vite t’i rrish larg. Jam i zhgënjyer si tifoz, si “ish” për atë që pashë sot në stadium dhe jo nga lojtarët, sepse bënë atë që kanë bërë gjithmonë (futbollin e bukur), por me TRAJNERIN, e kam thënë duhen ide të reja, njerëz që dinë të ndezin një PC dhe azhornohen me ndryshimet e shpeshta të futbollit. E theksoj, kemi ekip me KRISTALE dhe DIAMANTE, por s’kemi trajner këtë sezon… #zgjedhjegabuarluftëtariim”, shkruan Nora në llogarinë e tij në “Facebook”.
