Partizani u mund 0-1 nga Nomme Kalju, duke u eleminuar kështu në turin e parë të Conference League. Takimi i parë përfundoi 1-1, ndërsa në Shqipëri për të përcaktuar fituesin u deshën 120 minuta lojë. Koha e rregullt u mbyll 0-0, mes shumë emocionesh.
Pjesa e parë në “Air Albania” nuk prodhoi gol, pavarësisht rasteve që ishin të shumta. Edhe pjesa e dytë kishte ritëm të kënaqshëm, por skuadrat nuk po tregoheshin dot të sakta para porte.
Të kuqtë fituan penallti në minutën e 78-të, por Skuka gaboi nga pika e bardhë e penalltisë. Zhgënjimi ishte i madh te tifozët vendas, me sulmuesin që shpërdoroi 11-metërshin e fituar po vetë.
Mysafirët nga Estonia provuan të befasojnë në fundin e kohës së rregullt, por Qirko u tregua i vëmendshëm, duke neutralizuar gjithçka.
Në shtesë Ivanov i dhuroi kualifikimin Nomme Kalju-s. Partizani eleminohet kështu që në turin e parë të Conference League.
(BalkanWeb)
