Nuk kishte mënyrë më të bukur për t’u larguar nga Vllaznia, nga Shkodra, se sa pas një mbrëmje të tillë ku ekipi i tij i zemrës arrin të kualifikohet në turin e dytë të Conference League, për më tepër duke qenë dhe protagonist absolut. Kevin Dodaj e mbyll me Vllazninë, për të vijuar në karrierë të re në Bullgari tek ekipi i CSKA-s së Sofjes. 19-vjeçari realizoi një gol dhe dhuroi një asist përballë Dauvgapils, duke i dhënë Vllaznisë një dorë të rëndësishme në suksesin 4-2 në Letoni.
Pas ndeshjes, ishte vetë Dodaj që konfirmoi largimin e tij: “Bëhet fjalë për skuadrën e CSKA së Sofies, gjithsesi kjo mbetet për t’u parë në ditët në vijim. Unë do të bëj maksimumin kudo që të shkoj dhe në çdo minutë që do të më jepet”, deklaroi Dodaj.
(BalkanWeb)
