Për Qazim Laçin këto mund të jenë ditët e fundit te Sparta e Pragës.
Sipas “Takagazete”, mesfushori i kombëtares shqiptar po bëhet gati për t’u transferuar në elitën e Turqisë, te skuadra e Rizespor.
Pasi ka përfunduar negociatat si me lojtarin ashtu edhe me ekipin nga Praga, klubi i Rizespor pritet që shumë shpejt të njoftojë afrimin më të ri në skuadër.
Laçi kaloi te Sparta në vitin 2022, pas disa sezonesh në Francë te AC Ajaccio. Në Çeki, ai numëron mbi 70 ndeshje.
