Drejtori ekzekutiv i kompanisë teknologjike amerikane Astronomer, Andy Byron, ka dhënë dorëheqjen pas publikimit të videos virale ku ai shihej duke përqafuar kolegen gjatë një koncerti të Coldplay në Massachusetts. Pamjet u shfaqën në një ekran gjigant në arenë, duke shkaktuar bujë në rrjetet sociale dhe media.
Në video, Byron dhe kolegia e tij, Kristin Cabot, drejtoreshë e burime njerëzore në Astronomer, përqafohen dhe më pas përpiqen të fshihen nga kamera. Identiteti i tyre u bë menjëherë publik në media.
Kompania deklaroi se dorëheqja e Byron është pranuar nga Bordi i Drejtorëve dhe se drejtori i produktit do të veprojë si CEO i përkohshëm. Astronomer shtoi se mbetet e përkushtuar ndaj vlerave të saj dhe ka nisur një hetim të brendshëm për situatën.
Përqafimi me kolegen i ‘kushtoi’ shtrenjtë, CEO i Astronomer Andy Byron jep dorëheqjen pas videos virale në koncertin e Coldplay
Related Posts
