“Nuk mund të komentoj asnjë lojtar, që nuk është pjesë e ekipit tim”, kështu deklaroi tekniku Mikel Arteta i Arsenalit, i pyetur nga gazetarët lidhur me tratativën për transferimin në Londër të sulmuesit suedez të Sporting Lisbonës, Viktor Gyokeres.
Një telenovelë e vërtetë, seritë e së cilët ende nuk po vijnë drejtu fundit, pasi atëherë kur mendohet se Gyokeresh pritet të zyrtarizohet si lojtar i “topçinjve” tratativa ngec.
Të gjithë të çmendur pas Viktor Gyökeres. Sulmuesi i Sporting Lisbonës vjen pas një sezoni vërtet të jashtëzakonshëm sa i përket realizimeve.
Qendërsulmuesi suedez është aktivizuar në 52 ndeshje gjatë kompeticioneve të ndryshme dhe ka shënuar plot 54 gola. Statistikat bëhen edhe më mbresëlënëse në kampionatin portugez, ku ka realizuar 39 gola në 33 ndeshje. Përveç kësaj, ai ka dhënë edhe 13 asistime për shokët e skuadrës. Shifra të pabesueshme, prej një kampioni të madh – dhe nuk është çudi që klubet e mëdha europiane tashmë po lëvizin për ta siguruar në merkaton e verës.
Prej kohësh, Arsenali është i interesuar për sulmuesin. Skuadra e Mikel Artetës kërkon një “bomber” në fazën ofensive, dhe statistikat e sulmuesit të lindur në vitin 1998 janë ideale për një ekip që dëshiron të rikthehet në majat e Premier League dhe të sfidojë për titullin kampion, që mungon prej vitesh.
Megjithatë, Gunners duhet të kenë kujdes nga konkurrenca, sidomos nga skuadrat e tjera të Premier League.
Edhe Manchester United thuhet se po lëviz për Gyökeres. Sipas asaj që raporton ditën e sotme portugezja “A Bola”, “Djajtë e Kuq” janë gati të bëjnë një ofertë për sulmuesin suedez. Skuadra e drejtuar nga Amorim kërkon të forcojë organikën pas një sezoni shumë të dobët, pa trofe dhe me një renditje pranë zonës së rënies nga kategoria. Gyokeresh do të donte ti bashkohej ish teknikut të tij në Lisbonë, ndaj tratativa është plotësish e realizuaeshme.
