Leon Kozi dhe Rimal Haxhiu janë dy problemet e Tiranës. Lojtarët ende nuk kanë zgjatur kontratën me klubin bardheblu. Edhe gjatë ditës së djeshme ata kanë zhvilluar një takim me drejtuesit e skuadrës për të zgjidhur çështjen në fjalë. Gjithsesi, lojtarët janë në fazë, por akoma nuk kanë firmosur zgjatjen e kontratës.
Në fakt, çështja e tyre është disi e veçantë. Ata kanë kontratë edhe një vit, por palët duhet të bien dakord për detajet e mundshme, siç janë rroga dhe me radhë. Vetëm sezonin e ardhshëm dy lojtarët mund të konsiderohen të lirë.
Për më tepër që Kozi është prodhim i akademisë dhe ka edhe periudhën e formimit. Gjithsesi, të shohim. Për momentin, dyshja është bardheblu. ditët do të sqarojnë më shumë për të ardhmen e tyre.
