Këngëtari kanadez JP Saxe ka njoftuar se ka anuluar turneun e tij të shumëpritur në SHBA, pas shitjeve të biletave që rezultuan të jenë shumë më të ulëta se sa kishte pritur. Artist i njohur për hitin “If The World Was Ending” dhe ish-i dashuri i Julia Michaels, Saxe pranoi publikisht se nuk arriti të shesë as 20,000 bileta që do të mbanin turneun në jetë.
Turneu, me titullin “The Make Yourself At Home”, përfshinte 32 data që do të zhvilloheshin nga shtatori deri në fund të tetorit, dhe ishte i planifikuar për ambiente me kapacitet prej 2,000 deri në 3,000 vende. Por, për shkak të interesit të ulët, 32-vjeçari nga Kanada u detyrua të anullojë koncertet, duke theksuar se nuk mundi të arrinte pritshmëritë e tij.
Në një video emocionuese postuar në rrjetet sociale, Saxe shprehu zhgënjimin e tij, por gjithashtu falënderoi ata që e mbështetën duke blerë bileta. Ai pranoi se “synimi i tij ishte shumë lartë”, por u shpreh mirënjohës për përpjekjet që iu bënë. “Transparenca në dështim është më e vlefshme se sa fasada e suksesit,” tha ai me një dozë humori, duke shtuar se bileta do të rimbursohet.
