Federata Shqiptare e Futbollit, njoftoi se sezoni i ri në elitën e futbollit dhe Kategorinë e Parë do të startonte më 23 gusht. Megjithatë së fundmi është bërë një ndryshim i papritur sa i përket datave.
Kategoria Superiore do të fillojë më 19 gusht, katër ditë më herët se data e planifikuar fillimisht. Ndërkohë, Kategoria e Parë do të nisë më 26 gusht.
Ky ndryshim vjen pak më shumë se dy javë para startit të sezonit. Ende nuk janë dhënë shpjegime zyrtare për arsyet e këtij ndryshimi. Klubet duhet të përshtasin planet e tyre të përgatitjeve sipas kalendarit të ri.
“Futbolli shqiptar po bëhet gati të ngrejë siparin e edicionit të ri. Më 19 gusht nis kampionati “Abissnet Superiore” ndërsa më 26 gusht fillon sezoni i ri i “Kategorisë së Parë”. Përgatitjet kanë nisur jo vetëm nga klubet pjesëmarrëse, por edhe nga arbitrat që do të vendosin drejtësinë në fushë”, ka shkruar FSHF së fundmi.
