Shqipëria fiton 0-1 miqësoren ndaj Gjibraltarit, në ndeshjen e parë historike mes të dyja vendeve.
Ndeshja nisi me ritëm të ulët, me vendasit që po tregoheshin të vëmendshëm në prapavijë. Me kalimin e minutave, kuqezinjtë shtuan presionin, duke provuar të bënin diçka me anë të Asanit fillimisht, e më pas me Medon Berishën, por pa rezultat.
Shqipëria e filloi në sulm fraksionin e dytë, me të besuarit e Silvinjos që gjetën rrugën e rrjetës me Asanin, por goli u konsiderua i parregullt për pozicion jashtë loje.
Në të 68-tën minutë, një prekje me dorë e Pozos solli penallti për kombëtaren tonë. Nga pika e bardhë nuk fali Asani, i cili dërgoi topin në rrjetë.
Nuk mund të lihet pa përmendur debutimi i Shpendit, sakaq pavarësisht se Sylvinho freskoi skuadrën, shifrat mbetën të njëjta deri në fund.
Shqipëria tani zhvendos fokusin te ndeshja kualifikuese e Botërorit, ajo ndaj Letonisë, pas disa ditësh.
(J.S/)
