Tekniku i Napolit, Antonio Conte doli në konferencë para ndeshjes ndaj Manchester Cityt në Champions.
“Do të jetë një ndeshje e vështirë. Po luajmë në shtëpinë e një skuadre që ka fituar gjithçka që mund të fitohet në vitet e fundit. Po flasim për një klub të nivelit të lartë me një trajner të nivelit të lartë”.
“Vijmë këtu me shumë përulësi dhe dëshirë për të kuptuar se ku ndodhemi. Po punojmë, por duam të shohim nëse po rritemi dhe po bëjmë përparim.
Nesër sigurisht që po fillojmë nga një mal shumë i vështirë për t’u ngjitur, por kemi edhe dëshirën për të testuar veten dhe për të mësuar, si studentë, madje edhe nga mjeshtrat”.
“Dhe City, si klubet e tjera të nivelit të lartë, janë mjeshtra të kësaj gare. Historia dhe reputacioni i tyre flasin vetë. Është gjithmonë një ndjenjë e mrekullueshme të kthehesh në Ligën e Kampionëve, gara më e rëndësishme e Evropës”.
