Trajnerët e ekipeve kombëtare kanë përzgjedhur formacionin dhe trajnerin më të mirë të javës së katërt në Kategorinë e Parë.
Klevis Hasanbelli i Laçit është zgjedhur portieri më i mirë.
Katërshja e mbrojtjes përbëhet nga Klevis Shaqe i Skënderbeut, Ersildjo Asllanaj i Apolonisë, Adolf Selmani i Ilirisë dhe Arlind Kurti i Laçit.
Tre mesfushorët më të mirë të javës së katërt në Kategorinë e Parë janë Klahos Zani i Luftëtarit, Olsi Myrta i Laçit dhe Albi Xhabrahimi i Burrelit.
Tayo Abiodoun i Skënderbeut dhe Xhovalin Trifoni i Apolonisë formojnë repartin e sulmit së bashku me Darnell Mavangën e Ilirisë.
Trajneri më i mirë i javës së katërt në Kategorinë e Parë është zgjedhur tekniku i Skënderbeut, Ernest Gjoka. Skuadra e tij mori një fitore të rëndësishme në transfertë ndaj Pogradecit dhe Skënderbeu kryeson kampionatin me 10 pikë.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
