Conor McGregor pritet të rikthehet në oktagon për një event historik të UFC-së, që do të zhvillohet në Shtëpinë e Bardhë në qershor të vitit 2026.
Lajmin e ka konfirmuar presidenti i UFC-së, Dana White, ndërsa vetë McGregor ka zbuluar se është bindur nga një ofertë prej 100 milionë dollarësh, si dhe 100 viza të arta amerikane për të dhe miqtë e tij.
Eventi do të jetë pjesë e festimeve për 250-vjetorin e Pavarësisë së SHBA-së dhe do të mbahet në ambientet e jashtme të Shtëpisë së Bardhë, në një skenografi spektakolare me ndriçime, fishekzjarre dhe publik të kufizuar.
McGregor ka paralajmëruar se do të luftojë me duar të zhveshura dhe do të kthehet më i fortë se kurrë më parë. Sipas Dana White, kjo do të jetë karta më e madhe e ndeshjeve në historinë e UFC-së.
© BalkanWeb
