Kombëtarja shqiptare U-17 luajti sot ndeshjen e dytë miqësore ndaj Sllovenisë në “Shtëpinë e Futbollit”.
Kjo sfidë u mbyll me fitoren e miqve me rezultatin 0-3.
Trajneri Fatjon Tafaj e nisi ndeshjen me këtë formacion titullar: Uruci, Mezani, Varesis, Pierro, Marku, Vata, Qosja, Allasufi, Mali, Uldedaj, Ymeri.
Golin e parë të ndeshjes e shënoi Koren Tian Nai në minutën e 52-të.
Në fund të sfidës, Sllovenia realizoi edhe dy gola të tjerë. Matjasec Miha e çoi rezultatin në 2-0 në minutën e 84-t, ndërsa Koren Tian Nai shënoi golin e tretë dy minuta më vonë, duke vulosur fitoren 0-3.
Dy miqësoret ndaj Sllovenisë U-17 u zhvilluan në kuadër të përgatitjeve për kualifikueset e raundit të parë të Kampionatit Europian U-17.
Shqipëria bën pjesë në Grupin 8, së bashku me Kroacinë, Holandën dhe Kazakistanin. Ndeshjet do të luhen më 11, 14 dhe 17 nëntor.
© BalkanWeb
