Angel Reese është atletja e parë profesionale që ecën në pistën e Victoria’s Secret .
Sulmuesja e Chicago Sky u bë basketbollistja e parë profesionale që eci në pistën e shfaqjes së famshme të mërkurën, më 15 tetor, në New York City.
Në pistë, Reese ndau skenën me disa nga emrat më të mëdhenj të modës, përfshirë Bella dhe Gigi Hadid, Barbara Palvin, Joan Smalls, Adriana Lima, Alex Consani, Alessandra Ambrosio, Grace Elizabeth, Candice Swanepoel dhe shtatzënë Jasmine Tookes.
Debutimi i saj përfshinte dy pamje të spikatura. Fillimisht, ajo eci e veshur me një set të brendshmesh me lule rozë, ndërsa në fazën e dytë u shfaq me krahët ikonikë të bardhë engjëlli, një simbol i shfaqjes për dekada të tëra.
Me melodinë e këngës “Never Leave You (Uh Oooh, Uh Oooh)”, Reese vërtetoi se pista mund të jetë një tjetër arenë ku shkëlqen vetëbesimi i saj.
Para sfilatës, Angel Reese nuk mundi ta fshihte entuziazmin e saj për pjesëmarrjen në sfilatë, duke thënë: “Ishte e thënë të ndodhte. Jam shumë e lumtur që jam në këtë hapësirë, mes kaq shumë modeleve dhe grave të mrekullueshme. Ekipi që organizoi gjithçka ishte i mrekullueshëm. Jam shumë e emocionuar .”
Atletja zbuloi se kishte punuar me një specialist për të “perfeksionuar ecjen e saj ”, duke shpjeguar se “ Unë ec, fle, luaj basketboll. Dhe luaj basketboll, fle, ec.”
