Partizani, flet trajneri: Skuadra bëri maksimumin, u shpërblyem për lojën

Trajneri i Partizanit, Oltijon Kërnaja komentoi fitoren 0-1 ndaj Flamurtarit.

“Si fillim dua të falenderoj të gjithë çunat që dhanë maksimumin, sidomos ata çuna që nuk luajtën. Deri ditën e sotme askush nuk ka ditur kush do luante ose kush do vinte me ekipin. Kanë ngelur disa lojtarë shumë të rëndësishëm jashtë. E dinim deri diku si luante Flamurtari, falë njohurive që thatë ju më përpara, por edhe falë një miku që më ka ndihmuar shumë në informacione për dy lëvizje të reja që tekniku kishte bërë. Ndërsa tjetër falenderoj presidentin, që ka ardhur çdo ditë në stërvitje duke qëndruar afër në situatë që të themi të drejtën nuk ishte shumë e mirë në klub, por djemtë ishin të bashkuar. Siç e thashë jemi të gjithë bashkë për të dalë nga kjo situatë.

Duke parë cilësitë e ekipit që kemi, dhe kundërshtarët. Duke parë sulmuesit tonë më të shpejtë, u munduam ta zgjidhnim kështu duke i lënë Da Silvës hapësirë. Të jetë lojtar i lirë, të prishnim treshen e mbrojtjes së Flamurtarit, e cila funksionoi shumë mirë pjesën e parë. Pjesën e dytë ndryshuam manovrën se e dija që do ndryshonte edhe trajneri kundërshtar.

Nuk mund ta zbuloj, edhe kundërshtarët dëgjojnë. Në pjesën e dytë ndryshuam manovrën duke parë që Flamurtari nuk dilte dot atëherë menduam presing ultra ofensiv. Kishim rastin e golit, Mehmetit dhe Skukës. Ishte ndeshje e luftuar shumë.

Nëse pjesën e parë Flamurtari ka pasur rast për të shënuar gol, përveç rrëshqitjes që i ndodh çdokujt. Nuk di që ka pasur rast tjetër ekipi i Flamurtarit në pjesën e parë. Ne kishim penalltinë e Skukës që është për t’u diskutuar dhe rastin me kokë. Ne e dinim potencialin e ekipit kundërshtar, që nuk mund të na bënte keq. Nuk është asnjëherë i rrezikshëm në pjesën e parë, më shumë rrezikuan pjesën e dytë. Nuk ishim me frikë, ne po kontrollonim të gjenim momentin e tyre duke parë edhe euforinë e ekipit kundërshtar. Besoj se ishte strategji, jo frikë. Partizani nuk ka frikë asnjë ekip.

Kush është miku? Miku nuk tregohet se është mik. Lojtarëve u dhashë disa udhëzime që të luftonin për topin e dytë, mënyra e vendosjes pak më ndryshe që të kapnim mesfushën”- tha ai.

© BalkanWeb