Dinamo ka pasur një fillim sezoni me oshilacione, ku në 7 javët e para, ka marrë vetëm 3 fitore, ndërkohë që më i çuditshëm është numri i kartonëve të kuq që ka marrë.
Dinamo është ndëshkuar 4 herë me të kuq, teksa ka pasur edhe shumë debutime në skuadrën blu. Por, ajo që bie në sy është mungesa e mesfushorit Fjoart Jonuzi i cili u transferua me shumë bujë nga Tirana te Dinamo. Sezonin e shkuar ishte ndër më të rëndësishmit në skuadër, teksa këtë sezon ka qenë lojtar që ende nuk ka debutuar ende këtë sezon.
Ai është nxjerrë shpesh herë në nxehje nga Daja, por ende nuk ka marrë minuta ndërkohë në miqësore ka pasur mundësi të luajë, duke bërë paraqitje të mira. Në verë, nuk kanë munguar as ofertat për mesfushorin e Dinamos, por klubi vendosi ta mbante duke mos lejuar që të largohej me parametra zero. Tashmë, mbetet vetëm të shihet se çfarë do të ndodhë në të ardhmen me mesfushorin që Superioren e njeh mirë pasi ka shkëlqyer më parë me Vllazninë dhe Laçin.
© BalkanWeb
