Federata e Futbollit po punon për përgatitjen dhe finalizimin e Strategjisë së re të Futbollit 2026–2030. Prej disa muajsh, një grup pune nga Federata është angazhuar në bashkëpunim të ngushtë me një ekip të UEFA-s përmes takimeve online, me synimin për të ndërtuar një plan të qartë për zhvillimin e futbollit shqiptar në katër vitet e ardhshme.
Një grup ekspertësh nga UEFA ndodhet aktualisht në “Shtëpinë e Futbollit”, ku po zhvillon workshop-e me drejtues dhe punonjës të FSHF-së. Në workshopin e ditës së sotme mori pjesë edhe presidenti Armand Duka, i cili theksoi rëndësinë e këtij procesi për të ndërtuar një strategji sa më të qartë, realiste dhe të qëndrueshme.
Diskutimet janë fokusuar në analizimin e situatës aktuale të futbollit shqiptar, përcaktimin e objektivave strategjikë dhe identifikimin e sfidave e mundësive për përmirësim në të ardhmen. Workshop-e të tilla do të vijojnë edhe gjatë javës së ardhshme dhe në vazhdim, si pjesë e procesit për ndërtimin dhe finalizimin e strategjisë përfundimtare.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
