I harruar prej kohësh nga Sylvinho, por Taulant Seferi po kalon një formë të shkëlqyer. Brenda pak kohësh, nga titullar në skemat e tekniku kuqezi, Seferi e sheh veten jashtë, por sulmuesi i dërgoi një tjetër mesazh nga distanca, pikërisht në ditën kur Sylvinho publikoi listën për dy ndeshjet e fundit në fazën kualifikuese.
Seferi realizoi një “dopietë” fantastike në javën e 13-të në Kategorinë e dytë në Turqi. Në fundin e pjesës së parë, në minutën e 45-të, me një goditje perfekte në kufijtë e zonës së rreptësisë, Seferi stampoi topin në rrjetë duke realizuar golin e dytë për ekipin e tij, Bodrumspor në ndeshjen përballë Instabulspor. Goli i dytë personal dhe i katërti për Bodrumspor ishte akoma më i bukur, me sulmuesin kuqezi që bëri gjithçka vetë, rrëmbeu një top në mesfushë për të finalizuar më pas me shumë klas.
Ky ishte goli i tij i 9-të në 13 javë, plus 4 asiste, duke u renditur në vendin e dytë në listën e golashënuesve më të mirë në kampionat. Pas ndeshjes, të mbyllur me rezultatin e thellë 5-0, Seferi i vlerësua me notën 8,5 duke u shpallur edhe si lojtari më i mirë i këtij takimi.
()
